भाजपला धक्का माजी महापौर शोभा बनशेट्टींचा शिंदेंच्या शिवसेनेत प्रवेश

*#बिग ब्रेकिंग ! सोलापुरात भाजपला धक्का ; शोभा बनशेट्टी यांचा एकनाथ शिंदे यांच्या शिवसेनेत प्रवेश ; प्रवेशाला काँग्रेस नेतेही उपस्थित#

सोलापूरच्या राजकारणात आणखी एक मोठी बातमी समोर आली असून भारतीय जनता पार्टीला धक्का देत माजी महापौर शोभा बनशेट्टी यांनी उपमुख्यमंत्री एकनाथ शिंदे यांच्या शिवसेनेत प्रवेश केला आहे. बुधवारी सायंकाळी मुंबईमध्ये हा प्रवेश झाला.

यावेळी उपमुख्यमंत्री एकनाथ शिंदे यांनी बनशेट्टी परिवाराचे स्वागत केले. नुकतेच शिवसेनेत दाखल झालेले माजी मंत्री सिद्धाराम म्हेत्रे, आमदार नारायण पाटील, लोकसभा संपर्कप्रमुख महेश साठे, महिला आघाडीच्या नेत्या अनिता माळगे, प्रियांका परांडे, श्रीशैल बनशेट्टी यांची प्रमुख उपस्थिती होती विशेष म्हणजे या प्रवेशावेळी काँग्रेसचे नेते अशोक निम्बर्गी यांची उपस्थिती चर्चेचा विषय ठरत आहे.

भारतीय जनता पार्टी कडून महापौर राहिलेल्या शोभा बनशेट्टी यांनी 2024 च्या विधानसभा निवडणुकीत भारतीय जनता पार्टी कडून शहर उत्तर मध्ये उमेदवारी मागितली होती परंतु पक्षाने पुन्हा विजयकुमार देशमुख यांना उमेदवारी दिल्याने त्यांनी बंडखोरी केली तेव्हापासून त्या राजकारणातून लांब दिसून आल्या.

दरम्यान अचानक त्यांनी एकनाथ शिंदे यांच्या शिवसेनेत प्रवेश केल्याने अनेकांना जोरदार धक्का दिला आहे. या प्रवेशात माजी मंत्री सिद्धाराम म्हेत्रे, जिल्हा महिला आघाडीच्या अनिता माळगे यांचा वाटा असल्याचे बोलले जात आहे.