सोलापूर पोलीस आयुक्तालयानं ऊजेर परवेश दफेदार आणि सलमान गुडुभाई पटेल या दोघांना सोलापूर व धाराशीव जिल्ह्यातून ०२ वर्षाकरीता तडीपार केलंय. तडीपारी आदेशानंतर या दोघांना शेजारच्या कर्नाटक राज्यात सोडण्यात आलंय.
ऊजेर परवेश दफेदार (वय-२६ वर्षे, रा. ५५, शोभादेवी नगर, मजरेवाडी, सोलापूर) याचेविरुध्द साथीदारासह घातकशस्त्र जवळ बाळगून नागरिकांना मारहाण करुन दुखापत करणे, जीवे ठार मारण्याचा प्रयत्न करण्याचे तर सलमान गुड्डुभाई पटेल (वय-२८ वर्षे, रा. ४२, विष्णु नगर भाग-०२, मजरेवाडी, सोलापूर) याचेविरुध्द साथीदारासह घातक शस्त्र जवळ बाळगून नागरीकांना मारहाण करुन दुखापत करणे, जीवे ठार मारण्याचा प्रयत्न करणे, जबरी चोरी करणे यासारखे गुन्हे दाखल असल्याचं सांगण्यात आलंय.Tag M.Rajkumar CP, Solapur Crime
